தாரை தப்பட்டை- திரைப்பட விமர்சனம்


 வணக்கம் நேயர்களே ! 

இந்த படத்தை இப்பதான் பார்த்தீங்களா அப்படின்னு கேக்குறீங்க தானே ?  

ஏற்கனவே சில வருடங்களுக்கு முன்பு பார்த்த பிடிக்காமல் போன படமாக இருந்தாலும்... இன்னொரு கோணத்திலிருந்து பார்க்க தொடங்கினேன்... 

பாரம்பரியக் கலைகளின் அழிவும், மக்களின் விருப்பமும் எவ்வாறு இருக்கிறது என்பதை ஒரு அருமையான ஒரு உரையாடலாக இயக்குனர் பாலா தந்துள்ளார். அதில் முக்கியமான பிடித்த காட்சிகளை பார்ப்போம்.

 ஜோதிட நம்பிக்கைகளில் ஊறிப்போன சமுதாயத்தின் பார்வைக்கு பெரிய மனுஷனாக தெரியும் பணக்கார கதாபாத்திரம் ஒன்று. இந்த கதாபாத்திரம் நடத்தும் கேவலமான செயலின் மூலம் தனது சமூக மதிப்பை நிலைநாட்டுகிறார். அந்த கதாபாத்திரத்தை வெளிச்சம் போட்டுக் காட்டியுள்ளது. பெண்களின் நலனுக்கு என்று அவர்களுக்கு பிடிக்காத ஒருவரை, முன்பின் தெரியாத ஒரு நபரை நம்பி திருமணம் செய்து வைப்பது எவ்வகையான விளைவுகளை ஏற்படுத்தும் என்பதை படம் காட்டுகிறது.வரலட்சுமியின் கதாபாத்திரம் ஒரு வெள்ளந்தியான ஏமாந்து போகிற கொஞ்சம் அடாவடியான கதாபாத்திரமாக இருக்கிறது. வரலட்சுமியின் நடிப்பு தாறுமாறு.🔥 சசிகுமாரின் நடிப்பு கொஞ்சம் இந்த படத்தில் எனக்கு பிடித்து இருந்தது. ஆனாலும் இன்னும் முயற்சி செய்து இருக்கலாம். படத்தில் வரும் அனேக உரையாடல்கள், வசனங்கள் அருமையானவை. 


அப்படி இருந்தாலும் கூட சில கேலி எனும் முகமூடிக்குள் மறைந்துகிடக்கும் அடக்குமுறையை காட்சி அமைக்காமல் இருந்திருக்கலாம். காதலர்களுக்கு Posessiveness, மற்றும் அக்கறைக்கும் காதலுக்கும் உண்டான வேறுபாட்டை தெரிய வைப்பதர்காக சில காட்சிகள் அமைத்த விதம் அருமை.  

கிளைமாக்ஸில் போடப்பட்ட அந்த பக்தி மயமான இசையமைப்பு கொஞ்சம் சகிக்க முடியாததாக இருந்தது... 

இறுதியாக நடிப்பு, திரைக்கதை, வசனம் ஆகியவை பிடித்திருந்தது..

கருத்தை பகிர்ந்ததில் மகிழ்ச்சி. உங்கள் கருத்துக்களையும் கீழே கமெண்ட் பாக்ஸில் பதிவிடவும். 

இதைப் போன்றதொரு அடுத்த பட விமர்சனத்தில் உங்களை சந்திக்கிறேன் நன்றி வணக்கம் ! 

Comments

Post a Comment

Popular posts from this blog

தெய்வ வழிபாடும் சாதியும் வர்க்கமும் - 4

Image
      குறிஞ்சி (மலைப்பகுதி) நிலத் தெய்வமான சேயோன் தான் முருகன் (முருகு = அழகு) என தொல்காப்பியர் கூறுகிறார்.  முருகன் எனும் பெருந்தெய்வம் தமிழ் பேசும்  மக்களின் தலைவராக இருந்து போரில் தன் மக்களை காத்தவர் ஆவார்.  ஆகையால், இன்று உலகம் முழுவதிலும் வசிக்கும் தமிழர்கள் முருகனை வழிபடுகின்றனர். (பேரா.ரவீந்திரன் அவர்களின் உரையிலிருந்து) ஸ்கந்தன், சுப்பிரமணியன் போன்ற ஆரிய கடவுள்களோடு சேர்த்து முருகனின் தோற்றத்தை வைதீக மதவாதிகள் மாற்றிவிட்டார்கள். அத்தோடு அவருக்கு தேவசேனா மனைவி எனவும், சிவன் மற்றும் பார்வதி பெற்றோர் எனவும் வைதீக மதவாதிகள் எழுதி பரப்புரை செய்தனர். ஏனென்றால், தமிழ் மக்களின் பெருந்தெய்வமான (deity) முருகனை ஆரியக் கடவுள்களின் குடும்பத்தைச் சேர்ந்த தேவசேனாவின் கணவர் எனக் கூறியதின் மூலம், முருகனை இந்து மதத்திற்குள் கொண்டு வர முடிந்தது. அவ்வாறு தமிழ்மக்களுக்கே உரிய பண்பாட்டினையும், (culture and communication) மரபையும், வரலாற்றையும்  மடைமாற்றி அதன் மூலம் ஆதாயத்தைத் (benefit) தேடிக்கொண்டனர்.  இந்து வைதீக மதவாதிகளின் கதைப்படி, முருகனின் பெற்றோரான சிவன்...
Read more

kaniyan poongundranar's poem - கணியன் பூங்குன்றனாரின் பாடல்

  தீதும் நன்றும் பிறர்தர வாரா நோதலும் தணிதலும் அவற்றோ ரன்ன சாதலும் புதுவது அன்றே , வாழ்தல் இனிதென மகிழ்ந்தன்றும் இலமே முனிவின் இன்னா தென்றலும் இலமே , மின்னொடு வானம் தண்துளி தலைஇ யானாது கல் பொருது மிரங்கு மல்லல் பேரியாற்று நீர்வழிப் படூஉம் புணைபோல் ஆருயிர் முறை வழிப் படூஉம் என்பது திறவோர் காட்சியில் தெளிந்தனம் ஆகலின் , மாட்சியின் பெரியோரை வியத்தலும் இலமே , சிறியோரை இகழ்தல் அதனினும் இலமே . யாதும் ஊரே யாவரும் கேளிர் -       கணியன்   பூங்குன்றன்  பொருள்   நன்மை தீமை மற்றவரால் வருவதில்லை துன்பமும் ஆறுதலும்கூட மற்றவர் தருவதில்லை மரணித்தல் புதுமையில்லை ; வாழ்தல் இன்பமென்று மகிழ்ந்தது இல்லை வெறுத்து வாழ்வு துன்பமென ஒதுங்கியதுமில்லை. மின்னலுடன் மழை குளிர்ந்த துளியைப் பொழிந்து பெ ரிய  ஆ ற்றில் ஓடும் படகுபோல இயற்கைவழி நடக்கும் உயிர்வாழ்வென்று முன்னோடிகள் ஊட்டிய அறிவால் தெளிந்தோம். ஆதலினால் , சி றியோரை இகழ்ந்து தூற்றியதும் இல்லை....
Read more

தெய்வ வழிபாடும், சாதியும் வர்க்கமும் - 1

Image
    முதலில் சிறு தெய்வம் என்ற சொல்லின் தோற்றத்தை நோக்குவோம். "சென்று நாம் சிறு தெய்வம் சேரோம் அல்லோம்" என்று அப்பர் தேவாரத்தில் பயின்று வருகிறது. இதன் காலம் கிபி ஏழாம் நூற்றாண்டு ஆகும். இதற்கு நேர் மாறாக பெருந்தெய்வம் என்ற சொல் வழக்கு புறநானூற்றிலேயே காணப்படுகிறது. 2 வேந்தர்களையும் ஒன்றாக கண்ட புலவர், இரு பெரும் தெய்வமும் உடன் நின்றா அங்கு" என்று பலராமனையும் திருமாலையும் நினைத்து பாடுகிறார். எனவே சமூகத்தின் அடித்தட்டு மக்கள் வழிபடும் கடவுளரைச் சிறு தெய்வங்கள் எனவும், மேல் தட்டுமக்கள் வழிபடும் தெய்வங்களை பெருந்தெய்வம் எனவும் குறிப்பிடும் வழக்கம் அக்காலத்திலேயே இருந்திருப்பதாக தெரிகிறது.  ஆய்வு நெறியில் சிறு தெய்வம், பெருந்தெய்வம் என்ற சொற்களை தாழ்ந்தவை உயர்ந்தவை என்ற பொருளில் எடுத்துக் கொள்ள இயலாது. உண்மையில் சிறு தெய்வங்கள் எனப்படுபவையே மிக பழைய நம்பிக்கைகளையும், உணர்வுகளையும் பேணி நிற்பவையாகும். கட்டுரையில் சிறு தெய்வம் என்ற சொல் நாம் பழகிவிட்ட சொல் என்பதனாலேயே எடுத்தாளப்படுகிறது.    சிறு தெய்வம் என்ற சொல் எதைக் குறிக்கும்?  சிறு தெய்வங்களின் முதற்பண்பு அவ...
Read more