சென்னையில் ஒரு சம்பவம்


 

இன்னைக்கு சாயங்காலம் சென்னை அசோக் நகர் பக்கத்துல நடந்து வந்துட்டு இருக்குறப்ப ஒரு சம்பவம் நடந்துகிட்டு இருந்தது. சரி என்னடா நடக்குதுன்னு நின்னு பார்ப்போம் என கவனிச்சேன். கடவுள் பெயரை சொல்லி காசு கொடுத்து ஏமாந்து போன ஒரு தம்பதி நின்னுட்டு இருந்தாங்க. அந்த பக்கம் ஒரு குறி சொல்ற பெண் நின்னுகிட்டு இருந்தாங்க. 

இந்த குறி சொல்ற பெண் அவங்க கிட்ட ஏதேதோ சொல்லி 2000 ரூபாய் வாங்கிட்டு பட்ட நாமத்த போட்டுட்டாங்க. காச இழந்த இந்த தம்பதி அதை எப்படிடா வாங்குவது என்று வாதாடிட்டு இருக்காங்க. ஒரு கட்டத்துல காச இழந்த அந்த ஆண் அவர் வைத்திருந்த நாக உருவ சிலையை எடுத்துக்கிட்டு வந்தாரு. உடனே அந்த குறி சொல்ற பெண் இதை எடுத்துக்கிட்டு போனா, 'அதுக்கு தகுந்த மாதிரி அனுபவிப்ப அப்படின்னு சொல்லுது'. நான் அனுபவிச்சா அனுபவிச்சிட்டு போறேன். ஆனா காசு இழந்தவர் மனைவி எதுக்கு நமக்கு இது, அதை போட்டுட்டு வந்துருங்க அப்படின்னு சொல்லுறாங்க. அவங்களுக்குள்ளே ஒரு சின்ன கடவுள் பயம் எட்டிப் பார்க்கிறத கவனிச்சேன். 

அந்த நாக சிலையை திருப்பி போட்டுட்டு நீ நாசமா போய்டுவ உன் குடும்பமே விளங்காமல் போய்விடும் அப்படி இப்படின்னு சாபம் கொடுத்துட்டு கோவத்தோட வந்துட்டாங்க. அந்த குறி சொல்ற பெண் கொஞ்சம் திமிரா 'உன் காச நான் தரேன்னு சொல்லிட்டேன். இதுக்கு மேல வார்த்தை எதுவும் பேசாத' அப்படிங்கிது. இவர் இந்த மாதிரி ஏமாத்தி பிழைக்கிற உனக்கு இந்த ரோசம் எல்லாம் வர வேண்டியது தான் அப்படின்னு பயங்கரமா திட்டி முடிச்சிட்டு வந்துட்டாங்க. 

கொஞ்ச நேரம் கழித்து பாதிக்கப்பட்ட அந்த தம்பதியிடம் என்ன நடந்தது என கேட்டேன். அவர்கள் கூறியதாவது:-
"எங்களுக்கு இருக்கிற பிரச்சனைக்கு என்ன காரணம் அப்படின்னு இவங்க கிட்ட கேட்க வந்தோம். 2000 ரூபாய் தாங்க, ஒரு பரிகாரம் பண்ணா சரியா போயிடும்னு சொன்னாங்க. நாங்களும் கொடுத்தோம். ஆனால் பரிகாரம் பண்ணல. என்னன்னு கேட்டா அது சாமிகிட்ட கொடுத்துட்டேன் அப்படின்னு சொல்றா... நாங்க வந்து கேட்டப்ப நாளைக்கு வா திருப்பி தரேன்னு நேத்து சொன்னா. இப்ப வந்து கேட்டா மாத்தி மாத்தி பேசுறா. நாளைக்கு வா 500 ரூபா தரேன்னு சொல்றா.. இவ நாசமா போவா." இப்படி சொல்லிட்டு போய்ட்டாங்க. 

 இவங்கள எல்லாம் நம்பி எப்படி 2000 ரூபாய் கொடுத்தார்கள், போலீஸ் ல புகார் கொடுக்க வேண்டியது தானே அப்படின்னும் யோசிச்சேன். எதுக்கு அந்த நாக சிலையை திருப்பி போட்டார், அந்த பித்தளை சிலையை எடுத்துக்கிட்டு போனவாவது, பொழப்பு நடத்த முடியாமல் திரும்ப காசு கொடுக்குமில்ல அப்படின்னு தோணுச்சு. இதே மாதிரி சம்பவம் எங்க ஊரிலும் நடந்தது. அந்த மாதிரி அவங்க முன்ன கூட்டியே பயிற்சி எடுத்துட்டு வருவாங்க போலன்னு நினைச்சுட்டு  நடையை கட்டினேன். இந்த அரசாங்கமும் அதிகாரிகளும் என்ன பண்ணிக்கிட்டு இருக்காங்க? அப்படின்னு தோணுச்சு.  வேலை வாய்ப்பு இல்லாததுனால இந்த வேலைக்கு வராங்களா? இல்ல இது உடல் உழைப்பு இல்லாம காசு பார்க்கலாம், இதை யாரும் தட்டி கேட்க மாட்டாங்க என்கிற தைரியத்தில் இதை பண்றாங்களா?. இப்படி யோசிச்சிட்டே கொஞ்சம் தூரம் நடந்துட்டு போன பிறகு பார்த்தா இதே மாதிரி வரிசையா நாலு பேரு தள்ளி தள்ளி உட்கார்ந்து இருக்காங்க. அப்பதான் தோணுச்சு இங்க கடவுள் பெயரை வைத்து பொழப்பு நடத்தினால் காசு சம்பாதிக்கலாம் அப்படின்னு நிறைய பேருக்கு தெரிஞ்சிருக்கு.... 
கவனம் மக்களே.... 

- இசக்கிராஜன் 
(24.1.23 )

Comments

Post a Comment

Popular posts from this blog

தெய்வ வழிபாடும் சாதியும் வர்க்கமும் - 4

Image
      குறிஞ்சி (மலைப்பகுதி) நிலத் தெய்வமான சேயோன் தான் முருகன் (முருகு = அழகு) என தொல்காப்பியர் கூறுகிறார்.  முருகன் எனும் பெருந்தெய்வம் தமிழ் பேசும்  மக்களின் தலைவராக இருந்து போரில் தன் மக்களை காத்தவர் ஆவார்.  ஆகையால், இன்று உலகம் முழுவதிலும் வசிக்கும் தமிழர்கள் முருகனை வழிபடுகின்றனர். (பேரா.ரவீந்திரன் அவர்களின் உரையிலிருந்து) ஸ்கந்தன், சுப்பிரமணியன் போன்ற ஆரிய கடவுள்களோடு சேர்த்து முருகனின் தோற்றத்தை வைதீக மதவாதிகள் மாற்றிவிட்டார்கள். அத்தோடு அவருக்கு தேவசேனா மனைவி எனவும், சிவன் மற்றும் பார்வதி பெற்றோர் எனவும் வைதீக மதவாதிகள் எழுதி பரப்புரை செய்தனர். ஏனென்றால், தமிழ் மக்களின் பெருந்தெய்வமான (deity) முருகனை ஆரியக் கடவுள்களின் குடும்பத்தைச் சேர்ந்த தேவசேனாவின் கணவர் எனக் கூறியதின் மூலம், முருகனை இந்து மதத்திற்குள் கொண்டு வர முடிந்தது. அவ்வாறு தமிழ்மக்களுக்கே உரிய பண்பாட்டினையும், (culture and communication) மரபையும், வரலாற்றையும்  மடைமாற்றி அதன் மூலம் ஆதாயத்தைத் (benefit) தேடிக்கொண்டனர்.  இந்து வைதீக மதவாதிகளின் கதைப்படி, முருகனின் பெற்றோரான சிவன்...
Read more

kaniyan poongundranar's poem - கணியன் பூங்குன்றனாரின் பாடல்

  தீதும் நன்றும் பிறர்தர வாரா நோதலும் தணிதலும் அவற்றோ ரன்ன சாதலும் புதுவது அன்றே , வாழ்தல் இனிதென மகிழ்ந்தன்றும் இலமே முனிவின் இன்னா தென்றலும் இலமே , மின்னொடு வானம் தண்துளி தலைஇ யானாது கல் பொருது மிரங்கு மல்லல் பேரியாற்று நீர்வழிப் படூஉம் புணைபோல் ஆருயிர் முறை வழிப் படூஉம் என்பது திறவோர் காட்சியில் தெளிந்தனம் ஆகலின் , மாட்சியின் பெரியோரை வியத்தலும் இலமே , சிறியோரை இகழ்தல் அதனினும் இலமே . யாதும் ஊரே யாவரும் கேளிர் -       கணியன்   பூங்குன்றன்  பொருள்   நன்மை தீமை மற்றவரால் வருவதில்லை துன்பமும் ஆறுதலும்கூட மற்றவர் தருவதில்லை மரணித்தல் புதுமையில்லை ; வாழ்தல் இன்பமென்று மகிழ்ந்தது இல்லை வெறுத்து வாழ்வு துன்பமென ஒதுங்கியதுமில்லை. மின்னலுடன் மழை குளிர்ந்த துளியைப் பொழிந்து பெ ரிய  ஆ ற்றில் ஓடும் படகுபோல இயற்கைவழி நடக்கும் உயிர்வாழ்வென்று முன்னோடிகள் ஊட்டிய அறிவால் தெளிந்தோம். ஆதலினால் , சி றியோரை இகழ்ந்து தூற்றியதும் இல்லை....
Read more

தெய்வ வழிபாடும், சாதியும் வர்க்கமும் - 1

Image
    முதலில் சிறு தெய்வம் என்ற சொல்லின் தோற்றத்தை நோக்குவோம். "சென்று நாம் சிறு தெய்வம் சேரோம் அல்லோம்" என்று அப்பர் தேவாரத்தில் பயின்று வருகிறது. இதன் காலம் கிபி ஏழாம் நூற்றாண்டு ஆகும். இதற்கு நேர் மாறாக பெருந்தெய்வம் என்ற சொல் வழக்கு புறநானூற்றிலேயே காணப்படுகிறது. 2 வேந்தர்களையும் ஒன்றாக கண்ட புலவர், இரு பெரும் தெய்வமும் உடன் நின்றா அங்கு" என்று பலராமனையும் திருமாலையும் நினைத்து பாடுகிறார். எனவே சமூகத்தின் அடித்தட்டு மக்கள் வழிபடும் கடவுளரைச் சிறு தெய்வங்கள் எனவும், மேல் தட்டுமக்கள் வழிபடும் தெய்வங்களை பெருந்தெய்வம் எனவும் குறிப்பிடும் வழக்கம் அக்காலத்திலேயே இருந்திருப்பதாக தெரிகிறது.  ஆய்வு நெறியில் சிறு தெய்வம், பெருந்தெய்வம் என்ற சொற்களை தாழ்ந்தவை உயர்ந்தவை என்ற பொருளில் எடுத்துக் கொள்ள இயலாது. உண்மையில் சிறு தெய்வங்கள் எனப்படுபவையே மிக பழைய நம்பிக்கைகளையும், உணர்வுகளையும் பேணி நிற்பவையாகும். கட்டுரையில் சிறு தெய்வம் என்ற சொல் நாம் பழகிவிட்ட சொல் என்பதனாலேயே எடுத்தாளப்படுகிறது.    சிறு தெய்வம் என்ற சொல் எதைக் குறிக்கும்?  சிறு தெய்வங்களின் முதற்பண்பு அவ...
Read more