பூப்பு - மாதவிடாய் சந்தேகங்களும் விளக்கங்களும்

 


பூப்பு 
மாதவிடாய் சந்தேகங்களும் விளக்கங்களும்
எழுதியவர் - ரேணுகா தேவி
பக்கங்கள் - 48

இந்த புத்தகம் மாதவிலக்கு சம்பந்தமான கேள்விகளுக்கு விளக்கங்களையும் மருத்துவ ஆலோசனைகளையும் தருவதாக இருக்கிறது. முதலில் இந்த தலைப்பை தேர்ந்தெடுத்தற்காக ஆசிரியருக்கும் படைப்பிற்கும் வரவேற்பை அளிக்க வேண்டும். 

இது பெண்கள் கட்டாயம் படிக்க வேண்டிய புத்தகம் என எழுதியிருந்தது. ஆனால், இதை அனைத்து பாலினத்தாரும் வாசிக்க வேண்டியற்றுள் ஒன்று. புத்தகத்தைப் பற்றிய விமர்சனத்தை இக்குழுவில் பார்த்தேன். வெகு நாட்களுக்கு முன்பாகவே இதை வாசிக்கனும்னு ரொம்ப ஆர்வமாக இருந்தது. 

அதில் மத்திய பிரதேசத்தில் மாதவிடாய் தொடர்பாக பாரம்பரிய வழக்கத்தை கடைபிடி ப்பதாக எழுதியிருந்தார். மேலும் அது எனது ஊரிலும் கடைபிடிக்கப்பட்டு வருகிறது. அது என்னவென்றால் பெண்கள் மாதவிலக்கு நாட்களில் தீண்ட தகாதவர்களாக நடத்தப்படுவது. என் சகோதரிகளையே அவ்வாறு நடத்துவதை நான் பார்க்கிறேன். தனித்தட்டில் சாப்பிட சொல்வது, தனியாக உறங்கச் சொல்வது, பிறரை தொடக்கூடாது இன்னும் பல இத்யாதிகள் உண்டு. ஆக இதை வழக்கம் என சொல்வதை விட மூடநம்பிக்கைகளால் கெட்டி தட்டிப் போனவர்களால் இழைக்கப்படும் 'தீண்டாமை ' எனவே சொல்ல வேண்டும். இதுகுறித்த கேள்விகளை நான் எழுப்பிய போதெல்லாம் எனக்கு சரியான பதில்களை பெற்றோர்கள் தருவதில்லை. அவர்களுக்கு தெரியாது என்ற போதிலும் அதற்கான உரையாடல் களத்திற்கு வரவே தயாராக இல்லை. 

மேலும் நான் அணையாடைகளை (napkins) கடைகளில் வாங்கிக் கொடுக்க செல்லும்போது அவர்கள் அதை செய்தித்தாளில் பொதிந்து கொடுப்பார்கள். இது எல்லாம் ஏன்? ஏன்? எனும் கேள்விகள் எனக்கு முன்னதாக இருந்தன. ஆனால் அதற்கான காரணங்களைப் புரிந்து கொள்வதற்கான பக்குவம் அப்போது இல்லை. 

அடுத்ததாக மாதவிலக்கு நேரத்திலும் விருப்பமிருந்தால் உடலுறவு வைத்துக் கொள்ளலாம் என்பது புதிதாக இருந்தது. அதை இணையத்திலும் தேடிப் பார்த்தேன். உண்மை தான். இவையெல்லாம் உரையாட படாதவைகளில் முக்கியமான விடயங்கள் என நான் நினைக்கிறேன். 

மேலும் இதில் அணையாடைக் கோப்பைகளைப் (menstrual cup)பற்றிய தகவல்கள் இருந்திருந்தால் சிறப்பாக இருந்திருக்கும். சில இடங்களில் வந்த கருத்துகளே (மாதவிடாய் பற்றிய விளக்கங்கள்) திரும்ப வருவதாக தோன்றியது. மற்றபடி வாசிக்கப்பட வேண்டிய புத்தகங்களுள் முக்கியமானது.
தொடர்ந்து உரையாடுவோம் ....

Comments

Post a Comment

Popular posts from this blog

தெய்வ வழிபாடும் சாதியும் வர்க்கமும் - 4

Image
      குறிஞ்சி (மலைப்பகுதி) நிலத் தெய்வமான சேயோன் தான் முருகன் (முருகு = அழகு) என தொல்காப்பியர் கூறுகிறார்.  முருகன் எனும் பெருந்தெய்வம் தமிழ் பேசும்  மக்களின் தலைவராக இருந்து போரில் தன் மக்களை காத்தவர் ஆவார்.  ஆகையால், இன்று உலகம் முழுவதிலும் வசிக்கும் தமிழர்கள் முருகனை வழிபடுகின்றனர். (பேரா.ரவீந்திரன் அவர்களின் உரையிலிருந்து) ஸ்கந்தன், சுப்பிரமணியன் போன்ற ஆரிய கடவுள்களோடு சேர்த்து முருகனின் தோற்றத்தை வைதீக மதவாதிகள் மாற்றிவிட்டார்கள். அத்தோடு அவருக்கு தேவசேனா மனைவி எனவும், சிவன் மற்றும் பார்வதி பெற்றோர் எனவும் வைதீக மதவாதிகள் எழுதி பரப்புரை செய்தனர். ஏனென்றால், தமிழ் மக்களின் பெருந்தெய்வமான (deity) முருகனை ஆரியக் கடவுள்களின் குடும்பத்தைச் சேர்ந்த தேவசேனாவின் கணவர் எனக் கூறியதின் மூலம், முருகனை இந்து மதத்திற்குள் கொண்டு வர முடிந்தது. அவ்வாறு தமிழ்மக்களுக்கே உரிய பண்பாட்டினையும், (culture and communication) மரபையும், வரலாற்றையும்  மடைமாற்றி அதன் மூலம் ஆதாயத்தைத் (benefit) தேடிக்கொண்டனர்.  இந்து வைதீக மதவாதிகளின் கதைப்படி, முருகனின் பெற்றோரான சிவன்...
Read more

kaniyan poongundranar's poem - கணியன் பூங்குன்றனாரின் பாடல்

  தீதும் நன்றும் பிறர்தர வாரா நோதலும் தணிதலும் அவற்றோ ரன்ன சாதலும் புதுவது அன்றே , வாழ்தல் இனிதென மகிழ்ந்தன்றும் இலமே முனிவின் இன்னா தென்றலும் இலமே , மின்னொடு வானம் தண்துளி தலைஇ யானாது கல் பொருது மிரங்கு மல்லல் பேரியாற்று நீர்வழிப் படூஉம் புணைபோல் ஆருயிர் முறை வழிப் படூஉம் என்பது திறவோர் காட்சியில் தெளிந்தனம் ஆகலின் , மாட்சியின் பெரியோரை வியத்தலும் இலமே , சிறியோரை இகழ்தல் அதனினும் இலமே . யாதும் ஊரே யாவரும் கேளிர் -       கணியன்   பூங்குன்றன்  பொருள்   நன்மை தீமை மற்றவரால் வருவதில்லை துன்பமும் ஆறுதலும்கூட மற்றவர் தருவதில்லை மரணித்தல் புதுமையில்லை ; வாழ்தல் இன்பமென்று மகிழ்ந்தது இல்லை வெறுத்து வாழ்வு துன்பமென ஒதுங்கியதுமில்லை. மின்னலுடன் மழை குளிர்ந்த துளியைப் பொழிந்து பெ ரிய  ஆ ற்றில் ஓடும் படகுபோல இயற்கைவழி நடக்கும் உயிர்வாழ்வென்று முன்னோடிகள் ஊட்டிய அறிவால் தெளிந்தோம். ஆதலினால் , சி றியோரை இகழ்ந்து தூற்றியதும் இல்லை....
Read more

தெய்வ வழிபாடும், சாதியும் வர்க்கமும் - 1

Image
    முதலில் சிறு தெய்வம் என்ற சொல்லின் தோற்றத்தை நோக்குவோம். "சென்று நாம் சிறு தெய்வம் சேரோம் அல்லோம்" என்று அப்பர் தேவாரத்தில் பயின்று வருகிறது. இதன் காலம் கிபி ஏழாம் நூற்றாண்டு ஆகும். இதற்கு நேர் மாறாக பெருந்தெய்வம் என்ற சொல் வழக்கு புறநானூற்றிலேயே காணப்படுகிறது. 2 வேந்தர்களையும் ஒன்றாக கண்ட புலவர், இரு பெரும் தெய்வமும் உடன் நின்றா அங்கு" என்று பலராமனையும் திருமாலையும் நினைத்து பாடுகிறார். எனவே சமூகத்தின் அடித்தட்டு மக்கள் வழிபடும் கடவுளரைச் சிறு தெய்வங்கள் எனவும், மேல் தட்டுமக்கள் வழிபடும் தெய்வங்களை பெருந்தெய்வம் எனவும் குறிப்பிடும் வழக்கம் அக்காலத்திலேயே இருந்திருப்பதாக தெரிகிறது.  ஆய்வு நெறியில் சிறு தெய்வம், பெருந்தெய்வம் என்ற சொற்களை தாழ்ந்தவை உயர்ந்தவை என்ற பொருளில் எடுத்துக் கொள்ள இயலாது. உண்மையில் சிறு தெய்வங்கள் எனப்படுபவையே மிக பழைய நம்பிக்கைகளையும், உணர்வுகளையும் பேணி நிற்பவையாகும். கட்டுரையில் சிறு தெய்வம் என்ற சொல் நாம் பழகிவிட்ட சொல் என்பதனாலேயே எடுத்தாளப்படுகிறது.    சிறு தெய்வம் என்ற சொல் எதைக் குறிக்கும்?  சிறு தெய்வங்களின் முதற்பண்பு அவ...
Read more