இக்கிகய் - புத்தக விமர்சனம்



இக்கிகய் - நீண்ட ஆயுளுடனும் மகிழ்ச்சியுடனும் வாழ்வதற்கான ஜப்பானிய ரகசியம்

எழுதியவர்கள் - ஹெக்டேர் கார்சியா & பிரான்செஸ்க் மிராயியஸ் 

பக்கங்கள் - 206 

இப்புத்தகம் விற்பனையில் உலக சாதனை படைத்த, தமிழில் மொழி பெயர்த்த ஒரு கட்டுரை தொகுப்பு. இக்கி கய் என்பது நம் வாழ்வை மகிழ்ச்சியுடன் வாழவைக்கும் நம்மிடமுள்ள காரணியாகும். இப்புத்தகத்தில் வாழ்க்கையை மகிழ்ச்சியுடனும் ஆரோக்கியத்துடனும் நீண்ட ஆயுளை பெறுவதற்கான வழிமுறைகளை பற்றியும் விரிவாக எழுதப்பட்டிருக்கும். 


உலகிலேயே மிக நீண்ட ஆயுளை (122 வயது) கொண்டவர்களில் அதிகமானோர் ஜப்பானில் உள்ள ஒகிமி எனும் ஊரில் வசிக்கின்றனர். ஆக அவர்கள் அந்த நகரத்தில் இருப்பவர்கள் மட்டும் எப்படி நீண்ட ஆயுளை பெறுகிறார்கள் எனும் உண்மையை தேடும் வேட்கையில் இந்நூலை எழுதிய ஆசிரியர்கள் அங்கு தேடிச் செல்கின்றனர். அவர்கள் பயணத்தின் மூலம் கிடைத்த ஞானத்தை ஒரு புத்தகமாக எழுத முற்பட்டு அவற்றை ஒரு குறிப்புகளாக எழுதிக் கொண்டே வந்துள்ளனர். அவற்றில் நீண்ட ஆயுளை அடைவதற்கு செய்ய வேண்டியவைகளாக உடற்பயிற்சி, நல்ல உணவு, நல்ல தத்துவம் , இக்கிகயை கண்டுபிடிப்பது, மீண்டு எழுவது, மனமுடையாமை, யோகா என தனித்தனியாக எழுதி இருக்கின்றனர். மேலும் ஒகிமியில் இருக்கும் பண்பாட்டுச் சூழல், அங்கிருக்கும் மக்களின் சமூக இணைப்பு, உணவுப்பழக்கம் மற்றும் வாழ்க்கை முறை ஆகியவைப் பற்றி விளக்கமாக இதில் எழுதியுள்ளனர். 


இப்புத்தகத்தை வாசித்துக் கொண்டிருக்கும் போதே என்னுடைய இக்கிகய்யை நான் கண்டுபிடித்து விட்டேன் என்பதும், என்னுடைய வாழ்க்கை சரியாகத்தான் சென்று கொண்டிருக்கிறது என்பதையும் உறுதி செய்ய முடிந்தது. அதுபோக நான் என்னுடைய உணவு பழக்க வழக்கத்தில் செய்ய வேண்டிய சில மாற்றங்களையும், சிறிய உடற்பயிற்சியையும், மனரீதியான பக்குவங்களையும் தெரிந்து கொண்டேன். பொதுவாக புத்தகங்களை வேகமாக வாசிக்க வேண்டும் என எனக்கு தோன்றும். ஆனால் இப்புத்தகத்தை நான் கொஞ்சம் கொஞ்சமாக வாசித்து, அதை நடைமுறைப்படுத்துவதற்கான நேரம் எடுத்துக்கொண்டு, ஒவ்வொரு பகுதியையும் அனுபவித்து வாசித்தேன். 


இதில் இருக்கும் குறையாக எனக்கு தோன்றியது என்னவென்றால், இதில் கூறியிருக்கும் பல வகையான உடற்பயிற்சி முறைகள் மற்றும் தத்துவங்கள் குழப்பத்தை ஏற்படுத்தும் விதமாக இருந்தது. ஆனால் அவற்றை நேரம் எடுத்து சிந்தித்து தெளிவுபடுத்திக் கொள்ளலாம். மேலும் இது மொழிபெயர்ப்பு என்பதால் சில வார்த்தைகள் உச்சரிக்கவும் நினைவில் வைக்கவும் கடினமாக இருக்கிறது. மற்றபடி வாசிக்க எளிமையாகவும், நல்ல தெளிவையும் கொடுக்கும் முக்கியமான புத்தகம் இது. 

தொடர்ந்து வாசிப்போம்.... 

- கவிதை பிரியன் 

#ikikai #bookreview #ikikaibook 

Comments

Post a Comment

Popular posts from this blog

தெய்வ வழிபாடும் சாதியும் வர்க்கமும் - 4

Image
      குறிஞ்சி (மலைப்பகுதி) நிலத் தெய்வமான சேயோன் தான் முருகன் (முருகு = அழகு) என தொல்காப்பியர் கூறுகிறார்.  முருகன் எனும் பெருந்தெய்வம் தமிழ் பேசும்  மக்களின் தலைவராக இருந்து போரில் தன் மக்களை காத்தவர் ஆவார்.  ஆகையால், இன்று உலகம் முழுவதிலும் வசிக்கும் தமிழர்கள் முருகனை வழிபடுகின்றனர். (பேரா.ரவீந்திரன் அவர்களின் உரையிலிருந்து) ஸ்கந்தன், சுப்பிரமணியன் போன்ற ஆரிய கடவுள்களோடு சேர்த்து முருகனின் தோற்றத்தை வைதீக மதவாதிகள் மாற்றிவிட்டார்கள். அத்தோடு அவருக்கு தேவசேனா மனைவி எனவும், சிவன் மற்றும் பார்வதி பெற்றோர் எனவும் வைதீக மதவாதிகள் எழுதி பரப்புரை செய்தனர். ஏனென்றால், தமிழ் மக்களின் பெருந்தெய்வமான (deity) முருகனை ஆரியக் கடவுள்களின் குடும்பத்தைச் சேர்ந்த தேவசேனாவின் கணவர் எனக் கூறியதின் மூலம், முருகனை இந்து மதத்திற்குள் கொண்டு வர முடிந்தது. அவ்வாறு தமிழ்மக்களுக்கே உரிய பண்பாட்டினையும், (culture and communication) மரபையும், வரலாற்றையும்  மடைமாற்றி அதன் மூலம் ஆதாயத்தைத் (benefit) தேடிக்கொண்டனர்.  இந்து வைதீக மதவாதிகளின் கதைப்படி, முருகனின் பெற்றோரான சிவன்...
Read more

kaniyan poongundranar's poem - கணியன் பூங்குன்றனாரின் பாடல்

  தீதும் நன்றும் பிறர்தர வாரா நோதலும் தணிதலும் அவற்றோ ரன்ன சாதலும் புதுவது அன்றே , வாழ்தல் இனிதென மகிழ்ந்தன்றும் இலமே முனிவின் இன்னா தென்றலும் இலமே , மின்னொடு வானம் தண்துளி தலைஇ யானாது கல் பொருது மிரங்கு மல்லல் பேரியாற்று நீர்வழிப் படூஉம் புணைபோல் ஆருயிர் முறை வழிப் படூஉம் என்பது திறவோர் காட்சியில் தெளிந்தனம் ஆகலின் , மாட்சியின் பெரியோரை வியத்தலும் இலமே , சிறியோரை இகழ்தல் அதனினும் இலமே . யாதும் ஊரே யாவரும் கேளிர் -       கணியன்   பூங்குன்றன்  பொருள்   நன்மை தீமை மற்றவரால் வருவதில்லை துன்பமும் ஆறுதலும்கூட மற்றவர் தருவதில்லை மரணித்தல் புதுமையில்லை ; வாழ்தல் இன்பமென்று மகிழ்ந்தது இல்லை வெறுத்து வாழ்வு துன்பமென ஒதுங்கியதுமில்லை. மின்னலுடன் மழை குளிர்ந்த துளியைப் பொழிந்து பெ ரிய  ஆ ற்றில் ஓடும் படகுபோல இயற்கைவழி நடக்கும் உயிர்வாழ்வென்று முன்னோடிகள் ஊட்டிய அறிவால் தெளிந்தோம். ஆதலினால் , சி றியோரை இகழ்ந்து தூற்றியதும் இல்லை....
Read more

தெய்வ வழிபாடும், சாதியும் வர்க்கமும் - 1

Image
    முதலில் சிறு தெய்வம் என்ற சொல்லின் தோற்றத்தை நோக்குவோம். "சென்று நாம் சிறு தெய்வம் சேரோம் அல்லோம்" என்று அப்பர் தேவாரத்தில் பயின்று வருகிறது. இதன் காலம் கிபி ஏழாம் நூற்றாண்டு ஆகும். இதற்கு நேர் மாறாக பெருந்தெய்வம் என்ற சொல் வழக்கு புறநானூற்றிலேயே காணப்படுகிறது. 2 வேந்தர்களையும் ஒன்றாக கண்ட புலவர், இரு பெரும் தெய்வமும் உடன் நின்றா அங்கு" என்று பலராமனையும் திருமாலையும் நினைத்து பாடுகிறார். எனவே சமூகத்தின் அடித்தட்டு மக்கள் வழிபடும் கடவுளரைச் சிறு தெய்வங்கள் எனவும், மேல் தட்டுமக்கள் வழிபடும் தெய்வங்களை பெருந்தெய்வம் எனவும் குறிப்பிடும் வழக்கம் அக்காலத்திலேயே இருந்திருப்பதாக தெரிகிறது.  ஆய்வு நெறியில் சிறு தெய்வம், பெருந்தெய்வம் என்ற சொற்களை தாழ்ந்தவை உயர்ந்தவை என்ற பொருளில் எடுத்துக் கொள்ள இயலாது. உண்மையில் சிறு தெய்வங்கள் எனப்படுபவையே மிக பழைய நம்பிக்கைகளையும், உணர்வுகளையும் பேணி நிற்பவையாகும். கட்டுரையில் சிறு தெய்வம் என்ற சொல் நாம் பழகிவிட்ட சொல் என்பதனாலேயே எடுத்தாளப்படுகிறது.    சிறு தெய்வம் என்ற சொல் எதைக் குறிக்கும்?  சிறு தெய்வங்களின் முதற்பண்பு அவ...
Read more