தாம்பத்திய வழிகாட்டி - புத்தக விமர்சனம்
நூல் - தாம்பத்திய வழிகாட்டி ஆசிரியர் - டாக்டர் நாராயண ரெட்டி பக்கங்கள் - 184 இந்தப் புத்தகம் டாக்டர் விகடன் என்ற தொடரில் வெளியான இதழ்களின் முழுத் தொகுப்பு ஆகும். காமம் குறித்தான வாசகர்களின் பல்வேறு சந்தேகங்களுக்கு டாக்டர் நாராயண ரெட்டி பதிலளித்துள்ளார். இந்திய கலாச்சாரத்தால் காமம் என்பது மறைத்து வைக்கப்பட வேண்டியதாகவும் பேசக்கூடாதாகவும் இருந்து வருகிறது. விவாகம் முடிந்த ஒரு மாதத்திற்குள்ளாகவே விவாகரத்து கோட்டில் நிற்கிற தம்பதிகளின் எண்ணிக்கை அதிகமாகியிருக்கிறது. இதைப் பார்த்தால் தம்பதிகளின் முழு சம்மதத்துடன் தான் திருமணம் செய்து கொண்டார்களா ? (வைத்தார்களா )என்ற கேள்வி எழுகிறது . பதின்ம பருவத்தில் இருப்பவர்களுக்கு ரசாயன மாற்றத்தால் பாலியல் தேவை உண்டாகிறது. ஆனால் அவர்களுக்கு சரியான வழிகாட்டுதல் இல்லாததால் காமம் குறித்தான பார்வை வேறு கோணத்தில் சென்றுவிடுகிறது. இந்த புத்தகத்தை படித்த பிறகு எனக்கு ஒரு பாலியல் தெளிவை உண்டாக்கி இருக்கிறது. முதலில் கழிவறை இருக்கை புத்தகத்தை படித்த காரணத்தினால் காமம் குறித்த தவறான பிம்பம் உடைந்தது. பின் இந்நூலின் பாலியல் குறி...